Педагагічнае крэда:
“Нехта спытае: а ці лёгка гэта?
Цяжка!
Толькі неабходна ў кожную справу,
што робіш,укладваць душу”
Добразычлівасць у адносінах да вучняў, без гэтага не будзе агульных памкненняў;
Упэўненасць ва ўласных сілах, вера ў сваіх вучняў;
Шчырасць, якая дапамагае адкрываць нязведаны свет сэрцаў іншых і самім станавіцца лепшымі;
Адказнасць за сваю працу і за дзяцей, якія вераць у цябе.
Тэма:
“Рэалізацыя прынцыпаў дыферынцыраванага навучання беларускай мовы і літаратуры ва ўмовах пераходу на профільнае навучанне”
Мэта ВМА:
Стымуляванне і развіццё творчага падыходу да вучэбна-выхаваўчага працэсу, забеспячэнне пастаяннага росту прафесійнага майстэрства настаўнікаў (праз урок, факультатыўныя заняткі і пазакласную дзейнасць).
Задачы:
– стварэнне ўмоў для павышэння і ўдасканалення прафесійнай культуры і майстэрства настаўніка;
– актуалізацыя апорных ведаў вучняў праз каналы ўспрымання матэрыялу;
– вывучэнне, увядзенне ў практыку работы з вучнямі інавацыйнага педагагічнага вопыту.
– удасканальванне педкампетэнтнасці настаўнікаў беларускай мовы і літаратуры, развіццё іх творчага патэнцыялу;
– усебаковае развіццё пазнаваўчага інтарэсу вучняў, зацікаўленасці навучаннем у школе;
– ажыццяўленне дыферэнцыраванага падыходу да зместу, структуры, формаў работы ў адпаведнасці з асобаснаіндывідуальнымі патрэбнасцямі вучняў, ва ўмовах пераходу на профільнае навучанне.